Mary welaýatynyň Tagtabazar etrabyndaky pagta-egirme fabriginde geçen 2020-nji ýyl meýilnamasy boýunça 4100 tonna bolup, 4271.5 tonna nah ýüplükler öndürilip, meýilnama 104.2 göterim amal edildi.

Fabrigiň önümleri esasan-da Türkiýä, Russiýa, BAE, Gazagystan, Gyrgyzstan, Gruzýa, Päkistan we Azerbeýjan döwletlerine ugradylýar. Şu ýylyň dowamynda eksport edilýän ýurtlaryň sanyny artdyrmak üçin işler alnyp barylýar.

1997-nji ýylda açylan fabrikde dokuz bölüm bolup, desga jemi 5.25 gektar meýdany eýeleýär.

Dokmaçylyk desgasy döwrebap tehnologiýalar bilen doly enjamlaşdyrylan. Häzirki wagtda bu ýerde 400 hünärmen zähmet çekýär.